دالة IF: الشرط
بتختبر شرط، وتكتب قيمة لو اتحقق وقيمة تانية لو ما اتحققش.
بتحتاجها في: عميل تعدّى حد الائتمان ولا لأ، فاتورة متأخرة ولا لأ، إجمالي مطابق ولا لأ.
بتتكتب إزاي
=IF(logical_test, value_if_true, value_if_false)
- logical_test
- الشرط. مثال: A2>B2.
- value_if_true
- اللي يتكتب لو الشرط صح.
- value_if_false
- اللي يتكتب لو الشرط غلط.
مثال محلول
C2fx
=IF(A2>B2,"تعدّى الحد","في الحدود")| A | B | C | |
|---|---|---|---|
| 1 | الرصيد (ج.م) | حد الائتمان (ج.م) | الحالة |
| 2 | 12,500 | 10,000 | تعدّى الحد |
| 3 | 7,400 | 10,000 | في الحدود |
12,500 أكبر من 10,000 فالشرط صح، والدالة كتبت النص الأول. في الصف 3 الشرط غلط فكتبت التاني.
أخطاء بتتكرر
النص من غير علامات تنصيص
أي نص جوه المعادلة لازم يبقى بين علامتين تنصيص، والأرقام من غير.
كتبت «مطابق» بإيدك
لو الأرقام اتغيّرت الكلمة هتفضل زي ما هي. خلّي IF هي اللي تقرر.
جرّبها بإيدك
تمرين «خانة مراجعة الإجمالي قبل التسليم»: معادلة في D2 بتكتب «مطابق» أو «غير مطابق» وتتحدث لو أي رقم اتغير.
تمرين للمشتركين. لو لسه بتبدأ، جرّب التمارين المجانية الأول.