دالة TRIM: تنظيف المسافات
بتشيل المسافات الزيادة من أول النص وآخره، وتسيب مسافة واحدة بين الكلمات.
بتحتاجها في: أسماء عملاء أو أكواد جاية من سيستم تاني، والبحث أو الجمع بشرط مش لاقيها.
بتتكتب إزاي
=TRIM(text)
- text
- الخانة اللي فيها النص. مثال: A2.
مثال محلول
B2fx
=TRIM(A2)| A | B | |
|---|---|---|
| 1 | الاسم زي ما جه | الاسم نضيف |
| 2 | شركة النيل | شركة النيل |
الخانة A2 فيها مسافتين قبل الاسم ومسافتين بعده. TRIM كتبت نسخة نضيفة في B2.
أخطاء بتتكرر
مستني الخانة الأصلية تتغيّر
TRIM مش بتعدّل الأصل. بتكتب النسخة النضيفة في عمود جديد، وتشتغل عليه.
شلت المسافات بإيدك
في 5 صفوف ماشي، في 500 هتنسى. والمسافة في آخر النص مش بتبان بالعين أصلًا.
جرّبها بإيدك
تمرين «تنظيف أسماء العملاء من المسافات الزيادة»: عمود B فيه نسخة نظيفة من كل اسم باستخدام دالة.
تمرين مجاني، وبيتصحّح تلقائي.