دالة COUNTIF: العدّ بشرط

بتعدّ الخانات اللي بتحقق شرط.

بتحتاجها في: عدد الفواتير الآجلة، عدد عملاء محافظة معيّنة، أو عدد أيام الغياب.

بتتكتب إزاي

=COUNTIF(range, criteria)
range
العمود اللي هتعدّ فيه. مثال: عمود الحالة B2:B6.
criteria
الشرط بين علامتين تنصيص. مثال: "آجل".

مثال محلول

فواتير الأسبوع، والمطلوب عدد الآجل
C2fx=COUNTIF(B2:B6,"آجل")
ABC
1رقم الفاتورةالحالةعدد الآجل
2INV-101مدفوعة3
3INV-102آجل
4INV-103مدفوعة
5INV-104آجل
6INV-105آجل

الدالة عدّت الخانات المكتوب فيها «آجل» في عمود الحالة: الصفوف 3 و5 و6.

أخطاء بتتكرر

  • استخدمت COUNT بدل COUNTIF

    COUNT بتعدّ الخانات اللي فيها أرقام بس، ومالهاش شرط. للنصوص بشرط استخدم COUNTIF.

  • العدد أقل من الحقيقي

    الكلمة مكتوبة بأكتر من شكل: «آجل» و«اجل». وحّد الكتابة في العمود قبل العدّ.

جرّبها بإيدك

تمرين «عدد فواتير فرع الجيزة — COUNTIF»: معادلة عدّ بشرط بتتحدث لو الفروع اتغيرت.

تمرين للمشتركين. لو لسه بتبدأ، جرّب التمارين المجانية الأول.

دوال قريبة