شروط الاستخدام

شيتاوي إيه

شيتاوي موقع تدريب عملي على إكسل بالعربي: بتحل تمارين على جداول وبتتصحّح تلقائي. الموقع لسه في نسخته التجريبية، فالمحتوى والمزايا ممكن يتغيّروا.

شيتاوي تدريب مش جهة اعتماد: نتايج التمارين، اختبار المقابلة التجريبي وصفحة إثبات المهارة بتوضّح اللي حلّيته على الموقع، وهي مش شهادة معتمدة ولا ضمان وظيفة.

حسابك

• تقدر تجرّب التمارين المجانية من غير حساب. الحساب محتاج اسم، بريد إلكتروني وكلمة سر.
• الحساب لشخص واحد. حافظ على كلمة السر ومتشاركش الحساب مع حد.
• اكتب بيانات صحيحة، خصوصًا البريد، علشان نقدر نتواصل معاك بخصوص حسابك أو مدفوعاتك.

الاستخدام المقبول

• التمارين والشروحات وملفات التدريب ملك شيتاوي. استخدمها لتعلّمك الشخصي، ومتنسخهاش أو تعيد نشرها أو تبيعها.
• ممنوع محاولة الوصول لمفاتيح الإجابات، أو تعطيل الموقع، أو سحب محتواه بشكل آلي.
• الملفات اللي بترفعها للمراجعة لازم تكون شغلك إنت ومتحتويش بيانات حقيقية لناس أو شركات.
• لو حصل استخدام مخالف للشروط دي ممكن نوقف الحساب.

الاشتراك والدفع

• الأسعار بالجنيه المصري: شهر: 199 جنيه، 3 شهور: 549 جنيه، 6 شهور: 999 جنيه.
• الدفع مرة واحدة عن المدة اللي اخترتها، من غير تجديد تلقائي. لما المدة تخلص المحتوى المدفوع بيتقفل لحد ما تشترك تاني، وتقدّمك بيفضل محفوظ.
• الدفع بيتم على صفحة EasyKash. الاشتراك بيتفعّل بعد ما EasyKash تأكد لنا إن الدفع تم.
• استرداد الفلوس ليه صفحة لوحده: سياسة الاسترداد.

حدود الخدمة

• البيانات والأسماء في التمارين خيالية ومعمولة للتدريب.
• التصحيح الآلي بيشتغل على محرك حسابات في المتصفح والسيرفر، وفيه دوال ومزايا في إكسل مش مدعومة فيه. التمرين بيوضّح لو محتاج إكسل على الكمبيوتر.
• بنحاول نخلّي الموقع شغال طول الوقت، لكن ممكن يحصل توقف أو أخطاء، خصوصًا في النسخة التجريبية.

تعديل الشروط والتواصل

لو عدّلنا الشروط هنغيّر تاريخ «آخر تحديث» في الصفحة دي. استمرارك في استخدام الموقع بعد التعديل معناه موافقتك عليه.

لأي سؤال: support@sheetawy.com