شيتاوي للشركات ومكاتب المحاسبة
اعرف مين بيعرف إكسل فعلًا قبل المقابلة
كل CV مكتوب فيه «إكسل ممتاز». ابعت للمتقدمين رابط اختبار عملي 25 دقيقة على شيت حقيقي، وشوف مين يقدر يحسب ويجمع بشرط ويدوّر في قائمة، قبل ما تحدد ميعاد مقابلة.
التجربة: 3 مرشحين خلال 14 يوم، من غير حساب ولا دفع.
بيشتغل إزاي
1. اعمل رابط لشركتك
بتاخد رابطين: رابط للمرشحين، ورابط لوحة النتايج ليك إنت بس.
2. ابعته للمتقدمين
على الإيميل أو واتساب. المرشح بيكتب اسمه وبريده ويحل في المتصفح، حتى من الموبايل.
3. شوف النتايج
درجة كل مرشح، والمهارات اللي نجح فيها واللي لأ، والوقت اللي خده.
الاختبار فيه إيه
6 مهام من شغل المحاسبة اليومي، في 25 دقيقة، من غير تلميحات. المهام مش بتقول للمرشح يستخدم أنهي دالة.
- الحساب والمرجع المطلق: إجمالي الأصناف شامل الضريبة
- الجمع بشرط: مصروفات بند واحد
- الجمع بشرطين: مبيعات مندوب في منطقة
- البحث والمطابقة: سعر كل كود من القائمة
- الشرط: حالة سداد العملاء
- التواريخ: أيام التأخير بتاريخ المراجعة
أرقام مختلفة لكل مرشح
كل مرشح بياخد بيانات مختلفة، فالأرقام المنسوخة من زميل مش هتنفع. التصحيح على السيرفر بيجرّب المعادلة على بيانات تانية كمان.
الوقت محسوب على السيرفر
بداية الاختبار بتتسجّل عندنا، واللي يعدّي الوقت بيظهر عندك.
اعرف حدود الاختبار
الاختبار مش مراقب بكاميرا، والمرشح ممكن يستعين بحد. استخدمه للفرز قبل المقابلة، مش بدلها.
الباقات
اشتراك شهري، من غير تجديد تلقائي. العدد بيتحسب بالمرشحين اللي بدأوا الاختبار في الشهر. استرداد كامل خلال 7 أيام من الدفع.
تجربة مجانية
مجانًا
3 مرشحين
3 مرشحين خلال 14 يوم، من غير دفع ولا حساب.
ابدأ التجربةأساسية
499 ج.م / شهر
حتى 20 مرشح في الشهر
لمكتب محاسبة أو شركة صغيرة بتعيّن من وقت للتاني.
اطلب الباقةنمو
1,499 ج.م / شهر
حتى 100 مرشح في الشهر
لشركة بتعيّن كل شهر أو بتفرز عدد كبير من المتقدمين.
اطلب الباقةمفتوحة
3,999 ج.م / شهر
حتى 1,000 مرشح في الشهر
لشركات التوظيف ومراكز التدريب وحملات التعيين الكبيرة.
اطلب الباقة
الطلب بيوصلنا على support@sheetawy.com. بنرد عليك بتفاصيل الدفع، وبعد الدفع بنبعتلك رابط لوحة شركتك.
جرّب مجانًا
اكتب اسم الشركة وخد الرابطين. التجربة لـ 3 مرشحين خلال 14 يوم. جرّب الاختبار بنفسك الأول من رابط المرشحين.
أسئلة شائعة
- مين يقدر يشوف النتايج؟
- أي حد معاه رابط لوحة الشركة. الرابط ده زي كلمة السر: احفظه ومتبعتهوش للمرشحين. المرشحين بياخدوا رابط تاني ما يفتحش النتايج.
- المرشح يقدر يعيد الاختبار؟
- كل بداية جديدة بتتحسب مرشح وبتظهر عندك نتيجة لوحدها بالاسم والبريد والوقت، فتقدر تشوف لو حد حاول أكتر من مرة.
- المرشح بيشوف الإجابات الصح؟
- لأ. بيشوف درجته بس بعد التسليم، علشان الاختبار يفضل صالح للمرشحين اللي بعده.
- بتعملوا إيه ببيانات المرشحين؟
- الاسم والبريد والنتيجة بيتحفظوا علشان تشوفهم إنت بس، وتقدر تمسح أي نتيجة من اللوحة. التفاصيل في سياسة الخصوصية.
- ينفع اختبار بأسئلة من عندنا؟
- لسه لأ: الاختبار ثابت دلوقتي. لو محتاج اختبار لوظيفة معينة كلّمنا على support@sheetawy.com.
الاشتراك خاضع لـ شروط الاستخدام وسياسة الخصوصية.